23 июня СРЕТЕНИЕ ВЛАДИМИРСКОЙ ИКОНЫ БОЖИЕЙ МАТЕРИ СТИХИРЫ
Иуния 23-го дня В той же день празднуем Сретение Пречистой Владимирской [иконы]. [НА ВЕЛИЦЕЙ ВЕЧЕРНИ]
На Господи, воззвах: стихиры, глас 4-й... Ины стихиры, глас 1-й. Подобен: О дивное чюдо. Творение Царево. О великое милосердие грешнымо еси, Богородице Пречистая, скорая помоще, спасение и заступление. Веселися преименитыи град Москва, приемля чюдотворную икону Владычица; воспоимо верении со архиереи и со князи: Обрадованная, радуйся, с Тобою Господе, подаяи намо Тобою велию милость. Дивно Твое милосердие, Владычице: егда бо християне припадоша Ти избавитися пагубнаго заколения, тогда невидимо Сыну си молящеся, честенымже си образом люди спасающе, християне возрадуитеся поюще: Обрадованная, радуйся, с Тобою Господе, подаяи намо Тобою велию Милость. Твое славяте заступление архиереи и священицы, царие и князи, иноки же и причетницы, и весе народное множество, со женами и младенцы, о святей Иконе Твоей хвалящеся, припадаюте велможи с воинествы рускими, зовуще: Обрадованная, радуйся, с Тобою Господе, подаяи намо Тобою велию милость. Слава и ныне, глас 6-й. Вострубите трубою песней во благонарочитеме дни празденика нашего, и тмы разрушение и Свету пришествие паче солнеца восиявошу; се бо весехо Царица и Владычица и Богородица, Мати Твореца весехо, Христа Бога нашего, услышавоше моление, недостоиныхо рабо Своихо, на Милосердие прекланяетеся, и милостивено невидимо руце простирающи к Сыну си и Богу нашему, молитву о всей Руси предолагающи, и согрешением свобожение даровати молящися, и праведеное Его прещение возвратити. О, великое милосердие, Владычица! О, великое щедрото милости Царица! О, великое наступление, Богородица, како убо, молящи Сына Своего и Бога нашего, пришествиеме честенаго образа преславено и выше слова градо и веся люди ото напасти и смерти избавляющи. Царие и князи да сотекутеся, святители и священицы да возвеселятеся, и весяко возрасто вереныхо моножество совокупленое, весехо Царицы Царя рожешеи да воспоем благодарественная в радости глаголющи: радуйся, Божие жилище и граде одушевленныи Царя Христа Бога нашего; радуйся, християномо Излияние милости и щедрото и промышления; радуйся, к Тобе прибегающимо, пристанище и заступление, и избавление и спасение наше. На литии. Слава и ныне, глас 6-й. Яко венцеме пресветлыме, Пречистая Богородице, образом Твоим святыме градо Москва украсися и светися... Все до конца. Писан Покрову*. |