МОЛЕНИЕ ЦАРСКОЕ
ЗА БОЖЕСТВЕННОЙ ЛИТУРГИЕЙ
ПЕРЕД ВЗЯТИЕМ КАЗАНИ

     Будучи у стен осажденной Русскими войсками Казани, Царь Иоанн Васильевич, говорится в Патриаршей летописи, "Литоргию велел начати, хотяше бо святыни коснутися и, съвръша Литоргию, отдати Божиа Богови и поехати в свой полк. Литоргию же наченшу, страшно же убо и умилению достойно в то время благочестиваго Царя видети в церкви въоружена и тщащимъся к смертному часу за благочестие. — Моление Царьское. Сам же благочестивый Царь на образ Христа Бога нашего прилежно взирая и на рожшую Его Богоматерь и на угодника Его великого Сергиа, туто бо приход его царьской к чюдотворцову образу стоящу, еже з живаго светилника Сергиа начертана, в сердцы же своем тайно безъпрестанныа молитвы всылая, от очию же его яко река слез изливашеся, и сицевая явьственне глагола:

     О Владыко премилостивый Христе, помилуй раб Своих! Се время прииде милости Твоея, се время! Подай крепость на съпротивныя рабом Твоим! Помилуй, Милостиво, помилуй падшихъся раб Твоих, Человеколюбце! Възстави в благо и плененых сирых свободи, пошли, Милосерде, милость Свою древнюю свыше, и разумеют погании, яко Ты еси Бог наш, на Тя уповающе побежаем. И Ты, о Пречистая Владычица Богородица, умоли рождьшагося ис Тебе Христа Истиннаго Бога нашего, да не помянет грехов моих и беззаконий великых, елико сьгрешил есми пред величеством Славы Его, но помилуй мя Великий ради Милости Своея! Ты, Владычице, помощница нам буди и всему воиньству нашему, на Тя надеющеся, не посрамимся в бранех молитвами Твоими и всех святителей Рускых чюдотворцов и сродников наших, молитвенников и помощников на съпротивных.

     "И се прииде время на Литоргии, — пишет далее летописец, - чести святое Евангелие, солнцу уже въсходящу, и егда кончавше диакон и възгласи последнюю строку в Евангелии: "и будет едино стадо и един пастырь”, - и абие якоже силный гром грянул и велми земля дрогну и потрясеся. Благочестивый же Царь из церковных дверей мало поступи и виде градскую стену подкопом вырвану, и страшна убо зрением земля, яко тма, являшеся и на великую высоту въсходяще и многие бревна и людей на высоту възметающе поганых Царю же благоверному на молитву уклонившуся, и се внезапу второй подкоп градцкую стену грознее перваго сътвори, и множество граждан на высоте являшеся овем на полы прерваным, а иным же нозе и руце оторвани, и с великой высоты бревна падаше в град и множество нечестивых побита. — И поиде воиньство Царьское с всех стран на град”.

1552